Orkustöðvar – orkulíkamar

Orkustöðvarnar og orkulíkamarnir flæða í tifi og takti orkutónanna.

IMG_6585

Við getum fundið fyrir og unnið í orkustövunum með því að nota samsvarandi orkutón. Við getum sett vitundina inn í hverja orkustöð fyrir sig til þess að átta okkur betur á þeim, aðalorkustöðvarnar virka eins og hlið inn á tilsvarandi orkutón, tilfinningar sama tóns, orkulíkama og vitundarsvið. Hægt er að færa vitundina á milli orkustöðva eftri mænunni.

Orkulíkamar eru líkamar okkar sem sjást í lögum árunnar, þessir líkamar samsvara þeim sem við notum til að ganga á vitundarsviðunum. Orkulíkamarnir eru annað en orkusegulsviðið sem sést einnig í árunni, það tilheyir tilfinningunum.

Orkustöðvarnar ásamt okulíkömunum eru þrædd frá rauðum til hvíts í samhljómi við orkutónana.

Rauður

Rauði liturinn tilheyrir mænurótarstöðinni sem er staðsett neðst á spjaldhryggnum.
Mænurótarstöðin er vagga móðurinnar þar sem meðvitundin um hreinleika hvílir.
Orka mænurótarstöðvarinnar er oft kölluð kundalini orka sem sýnir andlegan þroska okkar eftri því sem hún teygir sig nær hjartastöðinni, mjög öflug sjálfsheilunar orka.
Þetta er fjögurra orkuþyrla (krónublaða) orkustöð og tengist eterlíkamanum, fyrsta lagi árunnar á tíðni efnislíkamans.

Órans

Órans liturinn tilheyrir hvatastöðinni sem er staðsett á spjaldhryggnum eða rétt fyrir neðan nafla. Hvatastöðin er sæti sálarinnar, þar sem sálin festir sig í musteri líkamanns. Í þessar orkustöð geymum við minningar okkar ásamt því flæði karma sem mótar litninga í sæðisfrumum og eggjum. Þetta er sex orkuþyrla (krónublaða) orkustöð sem táknuð er með stjörnu sigurs og tengist inn á tilfinningalíkamann, öðru lagi árunnar.

Gullingulur

Gullinguli liturinn tengist sólar plexusnum sem er staðsettur nokkurn veginn á miðjum búknum. Sólar plexus er sæti sólarinnar í líkamanum svipað og sólin er miðja sólkerfis okkar, stöðug en kraftmikil. Gullingulur stendur fyrir heiðarleik, bjartsýni, sterkt siðgæðisþrek og andlegt heilbrigði. Þetta er 10 orkuþyrla (krónublaða) orkustöð sem tengist inn á huglíkamann, þriðja lagi árunnar.

Grænn

Græni liturinn tilheyrir Hjartastöðinni sem er staðsett í hjartastað. Þaðan streymir lífsorkan til allra annara orkustöðva líkamans, allra fruma og taugastöðva. Hjartastöðin er tengd hinni miklu miðsól heimsins. Þetta er tólf orkuþyrla (krónublaða) orkustöð og tengist astrallíkamanum, fjórða lagi árunnar, orkulíkama mannlegra stigkennda sem er einskonar brú á milli lægri (þéttari) – og hærri (gisnari) -tíðni  orkulíkamanna.

Blár

Blái liturinn tilheyrir hálsstöðinni sem er staðsett neðan við barkann. Hálsstöðin geymir kraft hins talaða orðs, orð sannleikans. Hvert orð býr yfir sköpunarkrafti bláalitarins sem virkar sem magnaðasta verkfæri mannsins, má því segja að hvert orð sé hreinn galdur miðað við styrk bláu orkunar. Styrkur bláu orkunar er það mikill að hann veldur framhleypni, styttir karmavinnu og færir skjótari framfarir. Styrku bláa litsins nýtist jafnt til jákvæðra sem neikvæðra verka. Þetta er 16 orkuþyrla (krónublaða) orkustöð og tengist líkama eterisks sniðmóts, fimmta lag árunar.

Indigóblár

Indigóblái liturinn tilheyrir ennisstöðinni sem er staðsett 1–2 cm ofan við augnbrúnirnar á miðju ennisins og er einnig kölluð þriðja augað. Indigóblái liturinn er litur meðvitundar æðri máttar og kemur inn með vísindi sannleikans. Þetta er litur  þekkingar og visku. Hann eykur á næmni og innsæi og gefur glögga sýn á mörkin milli jákvæðra og neikvæðra þátta. Þetta er 96 orkuþyrla (krónublaða) orkustöð og tengist inn á líkama æðri máttar, Celestial líkamann, sjötta lagi árunnar.

Hvítur

Hvíta orkan tilheyrir hvirfilstöðinni sem er staðsett ofan á kollinum. Inn um þesa orkustöð tökum við á móti vísidómi sannleikanns frá huga þess æðra. Þessi vísidómur gefur fullkomna þekkingu sem fæst án lærdóms og reynslu. Hvíta orkan og hvirfilstöðin er tenging hvers og eins við hið efra þar sem sannleikurinn er lífið og lífið er þekkt. Hvirfilstöðin skapar einskonar segulmagn sem dregur orku móður jarðar upp í gegnum mænuna og allar orkustöðvarnar, fyllir okkur lífi. Þetta er 974 orkuþyrla (krónublaða) orkustöð þar sem hluti þyrlanna er fjólublár, hún tengist inn á orsakalíkama æðri hugmynda, andlega sviðið, sjöunda lagi árunnar. Gefur okkur hugsanir eins og ; ég veit – ég er.

Orkutónarnir fylgja þeim eðlisfræðilögmálunum sem þekt eru í dag, eins og þéttni orku, verkan þyngdarkrafts í hlutfalli við massa hluta, áhrifa hringhreifingar og miðasóknarafls. Áhrif tímarúms á umhverfi, hluti  grunnkraftanna fjögurra osv.fr.

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s